› 選擇地區
三藩市
紐約
洛杉磯
其他美國地區
香港 台灣 北美
 
2016年12月09日

【馮仁昭四圍超】
鍾嘉欣囡囡 變身萌爆聖誕B

鍾嘉欣最近帶埋囡囡Kelly返港,除咗出活動賺奶粉錢,仲會把握機會見吓一班圈中好友。楊怡大前日喺微博放上同嘉欣嘅素顏合照,而Kelly就用公仔圖案遮樣。噚日又到靚媽張嘉兒貼相,佢就抱埋囡囡Leora同嘉欣抱住Kelly影合照放上Instagram。
Kelly同Leora兩位BB除咗頭上多咗聖誕帽圖案,Kelly仲多咗白色聖誕老人鬍鬚,露出精靈眼仔。嘉兒留言:「同嘉欣一齊拍完《警犬爸打》後,大家都好幸運可以成為媽媽!Kelly大Leora一個月,她們可以一齊玩啊。」之後嘉兒再用英文講,無論係餵人奶、見住BB笑,甚至冇覺好瞓,都令佢同嘉欣好享受。再睇番兩位靚媽,張嘉兒仲未收身,上身依然豐滿,相反鍾嘉欣已經瘦番晒,狀態唔比結婚前差。
據悉岑麗香將於今個月17日喺加拿大結婚,相信嘉欣都會帶埋囡囡一齊出席。

另外,即將成為媽咪嘅張名雅同葉翠翠亦係網上輪流放閃,而前日29歲生日嘅張名雅亦有老公錫,獲送上生日蛋糕。不過,葉翠翠老公就因為懷疑感冒,要自我隔離瞓客房,搞到翠翠好心痛。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載