› 選擇地區
三藩市
紐約
洛杉磯
其他美國地區
香港 台灣 北美
 
2016年12月09日

朱千雪有樣有身材
仲要有碩士學位係咩玩法?

「巨浪捲起朱千雪」咦,唔係巨浪捲起「千堆雪」咩?冇所謂啦,千雪BB吸引咁多,大家將就吓啦!

千雪BB係2012港姐季軍,不過嗰屆港姐係第首次「全民普選港姐」,可惜因為server癱瘓,所以賽果沿用評判評分,搞到全城圍插。其實根據多方面民意調查,千雪BB應該係冠軍嚟㗎!大台見到民怨咁勁,當時有傳即刻安排千雪BB盡快拍劇,諗住補番數。

睇番資料,千雪BB 13年首次拍劇《On Call 36小時》就做第三女主角,頭兩年的確係受大台重用嘅;不過因為大台高層執位之後,當家花旦就變咗陳凱琳、蔡思貝。唉,真係戥千雪BB唔抵。

不過唔緊要,都識得諗,揀去讀書為自己鋪後路,今年先讀完中大企業傳播碩士;o依家又修讀城大兩年全日制法律博士課程。

早前嘅《EU超時任務》,千雪BB擔正女一(凌晨風),今年仲首次提名「最佳女主角」,不過對手有鍾嘉欣、楊怡、岑麗香,唔知千雪BB可唔可以殺出重圍做視后呢?

相關新聞:慧嫻為學業暫別樂壇陳法拉棄大台到紐約讀戲劇

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載