› 選擇地區
三藩市
紐約
洛杉磯
其他美國地區
香港 台灣 北美
 
2016年12月14日

世界級星B
萌爆星二代逐個捉

呂慧儀帶住B仔行超市,人妻勁有母愛,囝囝又勁得意,唔怪之得咁多人結咗婚都想生B啦!不過咁,有爭最得意BB呢個寶座,仲有好多對手㗎。

喺呢個得意榜第一位嘅,都仲係佢:鄭希怡(Yumiko)愛女梁浸浸!Yumiko成日花心思幫囡囡打扮靚靚咁拍片影相,早幾日仲帶咗梁浸浸去容祖兒同Twins嘅舖頭剪綵。梁浸浸唔怕陌生仲嘟嘴賣萌,佢仲對住鏡頭飛吻,勁有明星潛質。

講到幫BB打扮,湯盈盈都有一手,佢早前13年就幫兩個女Alyssa、Kassidy行商場,仲幫佢哋打扮成童畫角色一樣,同其他迪士尼公主合照,非常有愛心。

跟住呢一位BB,唔係得意,而係一出世就已經型到爆!係咪有畫面呢?無錯,就係陳國坤阿仔陳真喇。出年3月先一歲,不過陳真已經好識chok樣,同爸爸媽媽嘅合照都好型仔,望落真係有少少似李小龍㗎。

官恩娜個寶貝仔BéBé G 都係得意B之列,花好多心機陪住個仔,幾乎成個Ig都係BéBé G 嘅相,之前佢就影過BéBé G 拎住地拖亂掃嘅片,一臉認真地迷茫個樣,睇見都想笑。

仲有一位好受歡迎嘅星B,好多人都記得佢叫「馬家好」,喺《愛.回家》現過身俘虜觀眾。佢嘅真實身份其實係徐榮個女徐心怡,乳名叫包包,因為實在太得意,好快就有廣告商搵佢哋拍廣告。

相關新聞:Yumiko囡囡客串勁搶鏡

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載