› 選擇地區
三藩市
紐約
洛杉磯
其他美國地區
香港 台灣 北美
 
2016年12月14日

阿葛囝囝似古巨基
林海峰長女勁有彭羚影子

「軟硬天師」係大家嘅八、九十年代集體回憶,時間過得好快,但並唔係同你講拜拜,只係想講「軟天師」葛民輝同「硬天師」嘅林海峰(Jan)都已經係人哋老竇,佢哋嘅仔女都已長成,咁佢哋嘅子女,唔知會唔會繼承老竇嘅衣砵,進軍演藝圈呢!

首先講吓「軟天師」阿葛嘅囝囝Jabez,相信大家都記得,今年7月,阿Jan喺紅館舉行一連六場《是但噏廣東話》,尾場嘅時候,阿葛做嘉賓,同阿Jan以「高山青龍」做壓軸,當時阿Jan都講明,話一定唔可以安歌,因為阿葛要趕飛機去參加阿仔嘅畢業禮。

當時唔係好多人見過阿葛囝囝Jabez嘅廬山真面目,點知一個月後,就俾《蘋果》喺筲箕灣野生捕獲到「葛仔」Jabez,一家三口着晒親子裝咁去嘆魚旦粉,而已經21歲Jabez,幾乎高過老竇囉,仲要係個超級超級靚仔,望落仲有啲似古巨基㖭!

至於阿Jan,佢同天后彭羚就生咗兩個女,分別係16歲嘅大女林泳同12歲嘅細女林清。咁阿Jan之前喺紅館開騷時,大女林泳都有去捧場,兼且仲要女大十八變,越大越靚,個樣仲好有阿媽彭羚嘅影子㖭,即係好靚女囉!

相關新聞:彭羚為Wyman出山做嘉賓林家小圈子投票唔俾復出

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載