› 選擇地區
三藩市
紐約
洛杉磯
其他美國地區
香港 台灣 北美
 
2016年12月15日

刪走同安德尊開火對白
李錦聯撇無綫「冇心機做」

現年57歲的「TVB廚神」李錦聯,是無綫婦女節目《都市閒情》中「今晚食乜餸」的大廚,他和「大王」安德尊碰頭火花四起,兩人互窒博出位。不過「李安」之爭要告一段落,因李錦聯做到本月底便劈炮,離開工作了二十五年的無綫,事緣他不滿與安德尊合拍節目《區區開伙》時遭監製刪對白,頓覺冇癮,他直言:「都冇乜心機做。」

相關新聞:李錦聯邊做節目邊飲酒:安德尊唔抵得我紅

李錦聯一直是無綫婦女節目《都市閒情》的台柱,主持「今晚食乜餸」環節,為師奶買餸提供不少貼士。但李錦聯效力到本月底便會離開服務了二十五年的無綫,相信以後都很少機會聽到李錦聯再在螢幕前講金句「靠得住」,他與「大王」安德尊不時在節目中有肢體碰撞,以及示範「無敵鴛鴦鏟」的場面也會成絕響。
問李錦聯是否做到本月底劈炮離開,他日前在電話中直認說:「始終自己年紀有番咁上下,諗住想休息享受吓人生,兩個月前有試過同監製講,話原本一個禮拜做兩日《都市閒情》,可唔可以減到變一日,但監製話做一日太少,咁我就話不如停一停。」

網上搞飲食節目

服務無綫二十五年的李錦聯,決定離開都顯得不捨,他說:「之前同大王拍《區區開伙》,原意係想我同佢喺節目你窒吓我、我寸吓你,啲觀眾最想睇呢啲箒,咁我同大王都有啲火花嘛,講嘢有時踩吓界、玩吓諧音,例如大王飲嘢,我就順口問句:『你仲乜『飲』嘢?』其實我冇講粗口㗎!不過監製話唔批,可能佢哋覺得個節目放喺合家歡時間啦,佢哋驚俾人投訴,所以咪cut走呢啲對白囉,咁你知啦,寫稿嗰班後生仔唔敢孭飛嘛,會寫啲唔會瀨嘢嘅對白,搞搞吓,我都冇乜心機做,佢哋話講乜就講乜啦!」令他開始有意興闌珊感覺。
李錦聯離開無綫雖感可惜,但他也不想被框着,成世做煮餸佬,他說:「我諗出面十個人有九個半都知我教煮餸,但其實我出面都有好多嘢做,幫好多餐廳、廚具做代言搞推廣,再唔係休息一排,會有一個新形式,試吓自己喺網上做條飲食channel都未定呢!
採訪:王梓嫚

相關新聞:【結婚三次】與女友傷人罪被捕

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載