› 選擇地區
三藩市
紐約
洛杉磯
其他美國地區
香港 台灣 北美
 
2016年12月17日

許亦妮神秘失蹤 麥美恩最受網民追捧

29歲嘅朱晨麗係2011年港姐冠軍,而同會同屆嘅佳麗,有唔少都係噏得出名嘅,不話都係敵不過命運,咩命運?咪就係......奀星命囉!

亞軍
同朱晨麗同年嘅朱希敏,當選後仲代表香港參選世界小姐,而喺大台嘅作品真係少之有少,代表作已經算係主持《香港美食100強》。佢最出名就係2012年被爆同07年落選港男李善恆拍拖,不過2014年男方被影到同偷嗒巨乳女,最後朱希敏決定分手。近年,朱希敏甚少現身幕前,只係間唔中出席活動,又為慧妍雅集擔任公關。

季軍
今年28歲嘅許亦妮當選後即刻加入大台,佢仲主持過唔少節目同拍劇,不過因為緋聞不絕加上有佢傾續約時獅子開大口後遭雪藏。不過最神奇嘅佢拍完《潮流教主》之後,佢唔單止冇再露面,而且仲係網絡上絕跡,直今仍然係音訊全無。

第四名
雖然麥美恩落最後落選,不過佢仍獲大台賞識,仲去咗娛樂新聞台主播,而佢因為主持《學是學非》,因為喺節目內成日都俾其餘幾位主持欺負,仲有搞笑演出,而俾網民激讚上位。

落選
其餘噏得出名嘅佳麗仲包括:劉思希、梁麗翹、甄敏婷、蔡慧欣。其中做過「神獸天使」嘅蔡慧欣同主力都係做配角嘅甄敏婷都已經離開大台,至於劉思希同梁麗翹,一個就繼續拍劇做三、四線角色,後者就做主持,星運都係麻麻。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載