› 選擇地區
三藩市
紐約
洛杉磯
其他美國地區
香港 台灣 北美
 
2016年12月21日

健身中心屢被追數
胡定欣教練被揭拖糧「CEO搞緊清盤」

胡定欣及袁偉豪大前日在無綫台慶頒獎禮上,分別憑《城寨英雄》中的角色贏得最佳女主角及最受歡迎電視男角色獎,他們都在台上多謝健身教練梁嘉倫(Alan),Alan躍身成為健身界紅星。

相關新聞:發哥城城用同一個教練梁靖琪考牌開中心

自10月冇出糧

不過有自稱是Alan工作的Spark Fight & Fitness健身中心員工前日報料,指健身中心已有兩個半月沒有出糧,該位員工說:「大家都收到WhatsApp話唔使返,不過就話如果有客上堂可以自己帶客上去上堂,不過已經幾乎冇客。」他透露自從10月開始已沒出糧,但Alan仍然很風光,所以員工都不知道發生甚麼事,但Alan就表示出糧與自己無關,是另一位股東負責。近月公司亦收到包括飲品公司及毛巾清潔公司追數,連租都試過被人追,而健身中心的經理會到勞工處求助。

「我都係打工」

Alan前日接受電話訪問時,承認公司欠薪,他說:「係呀,冇糧出我知,係因為個CEO搞緊清盤,我哋都請咗律師。個CEO不嬲負責出糧同行政,我只喺前面做教堂。𠵱家清盤可能成班人要上勞工處,呢個已成定局。」據知他昨日已到勞工處。
Alan透露健身中心有機會執笠,要看跟新買家是否談得成,他解釋說:「不嬲都唔係我出糧,都係打工,雖然我都係投資者之一,但我唔係老細,商業登記我都係佔好細股份,𠵱家都係等。」他強調已找了律師處理,自己都受到影響,但不方便多講。對於胡定欣及袁偉豪日前在頒獎禮台上鳴謝他時,Alan說:「呢啲都係表面嘢箒,正常幫人training都多謝你。」胡定欣跟袁偉豪在截稿前未有回應。
採訪:李森

相關新聞:林二汶激減60磅張繼聰變完美body震波王

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載