› 選擇地區
三藩市
紐約
洛杉磯
其他美國地區
香港 台灣 北美
 
2016年12月24日

拍《三五成群》被熱捧 新劇姦杏兒
神仙B轉揸的士 「人情冷暖」

曾經為四大天王、楊紫瓊、李連杰、甄子丹等當替身的龍虎武師蔡堅成(B哥)在圈中多年偶有客串幕前,早年在電影《三五成群》演古惑仔神仙B一角,被網民熱捧,更為他開設fb專頁,而新作則是近日無綫播出的新劇《巾幗梟雄III之諜血長天》,他演欲強姦胡杏兒的日本兵。

相關新聞:捉杏兒入柴房慢慢嘆神仙B:其實佢想污辱我

約巨星打波

B哥日前接受本報專訪,欷歔地表示演藝圈不景氣,兩年前已轉型做的士司機,他說:「人情冷暖,世態炎涼,唔係成日都有戲拍㗎嘛,冇戲拍咪揸的士囉!有人搵咪拍囉,冇人搵咪繼續揸的士,勤力啲一千蚊都搵到,但要好勤力囉,都唔係話日日有一千蚊。」多年在影圈打滾,他透露與不少明星都有交情:「好似梁朝偉啦,嗰陣都有約出嚟打波食飯。關禮傑都係好朋友嚟,不過張國榮我就唔敢約。」

自度摑大王

提到他的代表作神仙B,要貼印有字紋身造型,他自爆自度加戲掌摑大王宋本中的一幕:「因為我做黑社會,我喺度兇緊佢,我一路兇一路逼前,逼到去佢前面都唔知做乜好,所以咪打佢兩巴囉,當時佢都呆一呆,心諗點解會打我,到cut機之後,導演都問我點解會打佢。」
B哥坦言希望重回演藝圈,更想有機會做導演,他說:「幕前幕後都可以做,不過前提係要尊重,之前我推過一個,佢搵我去做演員,我話要畀劇本我先,但到開拍之前都未有,冇劇本都唔緊要,但你起碼要話畀我知去做啲乜,即使場戲係去到乜都唔使做坐喺度,所以我最後冇去到。」
採訪:譚倩宜
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載