› 選擇地區
三藩市
紐約
洛杉磯
其他美國地區
香港 台灣 北美
 
2016年12月24日

捉杏兒入柴房慢慢嘆
神仙B:其實佢想污辱我

神仙B喺電影《三五成群》嘅亮眼程度,令網民呢十幾年嚟都人肉搜尋佢,同keep住搵佢嘅作品。終於終於,神仙B有新作喇!大台新劇《巾幗梟雄III之諜血長天》,B哥喺劇入面扮演日本兵,仲將胡杏兒拖入柴房.....

相關新聞:拍《三五成群》被熱捧 新劇姦杏兒神仙B轉揸的士 「人情冷暖」

我哋早前就問返B哥當日拍攝情況,佢話:「都兩年幾前喇,我捉佢返去柴房諗住慢慢嘆,點知未嘆就俾蕭正楠打瓜咗。」慢慢嘆?即係咩意思先?B哥就講笑咁話:「慢慢嘆?即係傾下偈呀,同佢講下近況咁樣囉! 強姦?有時未必架喎!或者係佢強姦我!」
記者:倩宜 攝影:馮峰、Neo

龍虎武師出身嘅B哥,以前成日都客串幕前,不過做嚟做去都係奸角多,問到佢怕唔怕被定形?佢話:「奸同忠都冇乜問題嘅,俾咩你都要去做。我試過做兵,唔記得係咪《尋秦記》喇,前面講到點淒涼,佢係度講我就入戲,點知第二日孟海打俾我,佢話睇到我企係後面,演得仲淒涼過前面,搶晒前面啲戲!」

雖然近年轉咗行揸的士,但B哥對演戲仲好有熱誠,話用得着佢嘅話,幕前幕後都可以做,不過前題係要尊重佢。「之前我推過一個,佢搵我去做演員,我話要俾劇本我先,佢話OK,但到開拍之前都未有,我再問佢,佢就話導演話無劇本。」B哥續說:「無劇本都唔緊要,但你起碼要話俾我知去做啲咩,即使場戲係去到咩都唔駛做坐係度,咁我都知係要坐係度丫,佢咩都唔講就叫我去,佢都話搵我做演員啦,我又唔係去做特約,所以我最後無去到。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載