› 選擇地區
三藩市
紐約
洛杉磯
其他美國地區
香港 台灣 北美
 
2016年12月28日

瘋傳蔡依林「露點」P圖
經理人:有貼乳貼

昨日凌晨網上瘋傳一張蔡依林(Jolin)於跳舞時嘅露點不雅照, 其經理人王永良回覆台灣傳媒時:「那天那麼多人在現場,怎麼可能。這種手法拙劣的惡意不實P圖,請大家不要以訛傳訛避免觸法,我們保留法律追究權利。」至於Jolin就一啲都冇被事件影響,今早喺ig貼咗靚相,話自己又要出門工作喇!

查實呢張所謂露點相,係Jolin喺3年前宣傳《Myself》嘅世界巡迴演唱會發行DVD,當時Jolin喺高雄宣傳時,着住背心吊帶裙,現場演繹《旅程》,翻看當年嘅YouTube活動影片,見到Jolin表演時的確因為手部動作過大,導致上衣有點移位,差啲走光,但Jolin都好謹慎咁不時將要下滑嘅上衣往上拉,所以並沒有網上瘋傳嘅走光圖片出現。

而Jolin嘅經理人王永良除咗話會保留法律追究權利外,佢亦補充說:「那天那麼多歌迷在拍,而且簽唱會是近距離,若真露點,當時就會鬧大了,怎可能等到現在。」佢仲強調Jolin嗰日做足安全措施,佢裏面都有着nu bra同貼乳貼,一定冇可能會露點。有網民話3年前嘅相而家先爆出嚟,一定係假的,仲有任職工程嘅歌迷留言話,呢張相應該係用photoshop3.0修圖而成。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載