› 選擇地區
三藩市
紐約
洛杉磯
其他美國地區
香港 台灣 北美
 
2017年01月03日

拎走拖鞋被轟貪小便宜
范范霸氣:沒有偷

台灣藝人范瑋琪(范范)同「黑人」陳建州結婚5年幾,生咗一對孖仔,之前忙於湊仔接少咗job,現時囝囝大個啲,佢就努力搵奶粉錢,間唔中就飛去各地工作,前日佢喺facebook講搭飛機要拖鞋嘅事,點知被網民寸佢「貪小便宜」,佢昨日終於開口回覆網民「沒有偷,沒有炫耀」,希望大家唔要誤會。

事緣范范前日喺facebook透露厚面皮向飛機同飯店要多兩對拖鞋,「實在有點不好意思,但家裡醬(這樣)就多了四雙新拖鞋穿耶」,仲反問「我醬(這樣)的行為會不會很低級啊」,希望網民唔要見笑,感謝航空公司同酒店員工嘅包涵。
文章一出引來網民反應兩極,有人批評佢嘅行為貪小便宜,亦有人覺得佢經過工作人員同意先拎,唔好因為范范係公眾人物就放大嚟睇。
對於此事,范范昨日親自喺facebook留言表示出差時會帶拖鞋返屋企:「因為四川航空是紅色的拖鞋,想說過年嘛,家裡大掃除可以把之前的拖鞋都換了」,佢強調有詢問空中服務員係唔係可以拎多兩雙,而對方亦大方答應,希望大家唔要誤會。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載