› 選擇地區
三藩市
紐約
洛杉磯
其他美國地區
香港 台灣 北美
 
2017年01月16日

陳果講偷拍:係天生
嘉穎警局開床瞓覺

鄭嘉穎上周四到澳門拍攝陳果執導的電影《九龍不敗》,豈料劇組在未有申請下,於澳門保安部隊事務局大樓取景,導致連嘉穎及陳果等劇組十多人被帶返警局調查,扣查8小時後始獲釋離開。
昨日嘉穎於何文田天光道拍攝《九龍不敗》外景,除陳果外還有監製錢小蕙、莊澄及電影公司老闆黃百鳴等。嘉穎表示當日被帶警局時一點也不擔心,原來他在警局獲得特別優待,不但免搜身、免沒收手機及有咖喱雞吃,而且更有床睡覺,陳果笑說:「佢好似喺canteen咁休息。」嘉穎則謂:「我仲喺入面瞓咗個覺,因為之前拍咗場通宵戲,佢哋仲開咗張梳化床畀我瞓咗個回魂覺。最初佢哋係搵導演嘅,後嚟話一定要我,咁我咪去助查囉,冇愕然呀。我都好多謝導演畀呢個機會我。」問到女友陳凱琳有否擔心時,他說:「冇,都通知咗佢,話畀佢知乜嘢事。」

「偶爾踩過界」

陳果承認當日在澳門偷拍的一個「踩界鏡頭」需要刪除,目前澳門尚有一日外景和一日室內景要拍攝。陳果說:「批文會再申請,賭場就需要另一個批文,都會逐一申請。」他又表示已收到警方通知指事件已圓滿結束。問下次會否小心處理時,他說:「其實通常都會,但作為導演,好難講。喺香港拍都係咁啦!作為導演,呢個係天生嘅取向。總之盡量按本子辦事,但偶爾都會踩過界嘅。睇見靚嘅嘢,好難唔拍囉,所以我都好難保證(不再犯)。全世界嘅導演都有咁嘅情況,但係會申請囉。」
採訪:卓寶花
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載