› 選擇地區
三藩市
紐約
洛杉磯
其他美國地區
香港 台灣 北美
 
2017年01月19日

【馮仁昭四圍超】尾場台下捧場
周董話昆凌黐身 

周杰倫嘅「周杰倫地表最強世界巡迴演唱會─香港站」前晚尾場,周太昆凌終於現身,坐喺控制台下面第一行,當佢見到鏡頭即好避忌,唔知係咪自然反應呢!有理由相信周太出現,係因為周董噚日38歲生日。
完騷後,周董話想買一幅畫慶祝生日:「近年多看畫,少買跑車,買畫同媽媽說比較容易,因媽媽都是藝術家嘛,興趣都比較跟她一樣。現在未知買甚麼類型,只是想房間內放一幅畫。」主人房唔係放結婚相咩?佢好型咁話:「房間一般人都放結婚相,對不對?但我跟別人不一樣。」

阿倫笑似唱俄文

尾場亦係周董同昆凌嘅結婚紀念日,周董話想送一條頸鏈畀老婆:「未選,忙演唱會,但是當年兩人的婚戒在香港買的,當時也是開演唱會,趁空檔的一天偷偷跑出去買,沒有人知道。今次沒有時間,買禮物要很秘密,老婆常常都跟着,很難給她驚喜。」周董喺演唱會上唱《一生中最愛》,問佢係咪送畀太太:「只是報紙寫的,選這首歌是因為這是一首經典老歌,剛好樂手中有香港人,他教我怎樣唱。報紙都這樣寫,所以就順水推舟跟老婆說『是送給你的!』」
校長譚詠麟喺台上話聽到周董唱歌似俄文?周董講笑話:「在綵排唱《千里之外》時,校長說只聽到這首歌唱甚麼,但不是聽懂他,而是聽懂和他合唱這首歌的費玉清所唱的。」周董又恭喜Angelababy生B,指佢生之前睇佢演唱會係好好嘅胎教。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載