› 選擇地區
三藩市
紐約
洛杉磯
其他美國地區
香港 台灣 北美
 
2017年01月19日

【幕後花絮】星爺戲癮爆發
臨場做埋導演教拍攝

周星馳果然魅力非凡,一舉手一投足即令到現場歡天喜地,日前星爺聯同徐克、吳亦凡出席《西遊:伏妖篇》記者會,佢哋接受《蘋果》訪問時仲客串扮記者,上演一場「自己問自己」嘅答問大會,場面極度搞笑!拍攝當日好多幕後花絮,為免讀者、觀眾睇漏星爺等人背後嘅搞鬼場面,我哋決定將訪問過程嘅花絮公開!

相關新聞:片場爭凳仔徐克喝令星爺行開!

星爺最初聽完我哋講解「扮記者亂入」呢個玩法後,原來都一頭霧水,仲問隔籬位嘅徐克導演:「你明呀?你真係明呀?我唔明喎,死火喇!但係我又唔好意思講我唔明。」做完專訪後,星爺、徐克、吳亦凡齊齊移位扮記者發問,星爺即刻戲癮爆發,飾演記者一角似到十足十,仲問到唔想走。「吓?冇喇?整多一兩條啦,問多兩個吖!」玩得盡興嘅星爺,仲教現場工作人員點樣走位連戲接shot,盡顯導演功架。
至於為《美人魚》聲演珊珊的謝依晴(林允粵語配音),當日亦客串幫手扮記者,可惜遇到星爺、徐克同吳亦凡個個搶住發問,根本冇機會舉手。好彩,星爺等人最後都好有風度,畀依晴問到一條問題。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載