› 選擇地區
三藩市
紐約
洛杉磯
其他美國地區
香港 台灣 北美
 
2017年01月19日

林夏薇停工一年
做專屬model人釘人

29歲林夏薇同45歲金融才子莫贊生(Jason)前年拉埋天窗,婚後打理飲食生意,主力陪老公兼努力造人,昨日有周刊爆林夏薇願意為老公放棄幕前演出,做跟得夫人係因為老公之前鍾意媾o靚模,而好多女人搵機會黐埋佢老公身,林夏薇先想多啲時間陪老公。

據報道講,林夏薇喺《乘勝狙擊》擔正做女主角後,之後就冇再拍劇,有指佢決定停工,一段時間暫別幕前,據知情者講林夏薇仲好鍾意做戲,之前拍幾部劇都成功入屋,不過佢喺事業同老公兩者之間,揀咗老公,一來想多啲時間陪老公,二來想生B,平時主要陪老公行街四圍去,日前兩公婆去中環買嘢,林夏薇陪老公去睇褸,成程做形象指導,買完就到林夏薇去睇手袋,有時林夏薇出外,仲見佢手戴超過五卡巨鑽。

報道又指林夏薇為咗箍住個老公,花咗唔少心思執靚個樣,近年越嚟越靚,同2011年初入大台嘅感覺好唔同,冇咗陣娘味,每日做運動,亦知老公鍾意影相,keep得靚啲、fit啲做老公專屬model!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載