› 選擇地區
三藩市
紐約
洛杉磯
其他美國地區
香港 台灣 北美
 
2017年01月21日

被樂易玲指推劇請990日病假
歐錦棠反駁:係冇薪假

歐錦棠早前接受雜誌專訪時,狂數無綫高層樂易玲不是,阿棠以「婆娘」形容樂小姐,指對方嫌自己「亞視味」太重,又大爆09年已故藝人陳鴻烈拍攝處境劇《畢打自己人》期間心臟病發猝逝,樂小姐竟禁止眾演員向外透露烈哥死訊,懷疑有人想做發言人。

樂易玲:每次都有假紙

樂易玲前晚出席在尖沙嘴洲際酒店舉行的「寰宇30周年晚宴」時,坦言對於被叫「婆娘」感到不開心,並反擊阿棠說:「有同事同我講開,話歐錦棠其實已經好耐冇喺公司開工喇。其實喺2013年開始,佢請咗九百九十幾日假,每次都有假紙,係病假嚟嘅。其實都搵過佢拍好多劇㗎喇,但佢都推咗,好似《公公出宮》、《無雙譜》,佢都係話唔舒服拍唔到。製作部都有諮詢過我,問我點解佢可以喺外面拍戲,但公司嘅劇就推。我都唔太知點解。」

對於被指請了九百九十幾日病假,歐錦棠昨於facebook還擊,力斥樂易玲是「膠層」說:「當然成千日病假?你係老闆都唔批啦!邊個醫生批你病三年呀?嗰啲叫做冇薪假,我哋叫No pay leave,用新任財爺英文就叫No salary holiday ,搞清楚先啦,膠層!」記者昨日致電阿棠,他說:「要講嘅喺facebook講晒,唔再多講啦。」
採訪:張俊銘

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載