蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年01月23日

同憶蓮《歌手》師徒對決 杜麗莎:說明我是好老師

25,997

前晚借住「被消失」嘅張敬軒成功炒番熱嘅《歌手2017》(前名《我是歌手》)終於播咗第一集,一如以往,台下反應一樣咁「熱烈」,觀眾交足戲,又喊又嘟嘴又係咪都起身拍手掌歡呼……真係想頒個最佳新演員獎俾呢班觀眾呀!

而台上嘅7位歌手(未計軒仔),其實都係落力演唱嘅,其中就有唱功絕對係頂尖、教唱歌嘅杜麗莎!佢喺節目入面排喺光良後面出場(原本兩人中間係軒仔唱),揀咗唱約翰連儂(John Lennon) 嘅英文歌《Imagine》,先唔理台下觀眾聽唔聽得明英文,但就俾同場嘅歌手互選中,成為咗並列第一位。

講起同場嘅歌手,其餘幾位參賽者入面,就有林憶蓮同袁婭維跟過杜麗莎學唱歌,三位喺《歌手》入面師徒對決,第一集就俾林憶蓮領先排第二位,杜麗莎就得第三,袁婭維暫時就包尾。

其實杜麗莎之前喺大陸記招已經講過,要同林憶蓮分勝負唔會尷尬,仲超級大方話:「如果真的被她打敗了,說明我是個好老師,教出的學生夠棒。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載