› 選擇地區
三藩市
紐約
洛杉磯
其他美國地區
香港 台灣 北美
 
2017年01月23日

起雙飛都唔嬲 井上真央原諒松本潤傳結婚

日本尊尼組合嵐嘅33歲成員松本潤,近期爆出搭上AV女優報道,佢上月底先被《週刊文春》大公開搭上26歲AV女優葵司,愛展逾四年感情。對於松本潤喺11年演出日劇《花樣男子》時撻着女主角井上真央,近年頻傳出二人將會結婚,松本潤即被指背井上真央劈腿四年。

同時,松本潤除私有化葵司四年外,一直有傳佢暗撻另一人氣AV女優上原亞衣,懷疑男方一腳踏三船,而上原亞衣年半前宣佈退出AV界,原來係因為男友而決定引退,其男友被指正是松本潤,可惜雙方關係維持唔夠一年,男方就主動提出分手,搞到上原亞衣不知幾Hurt。

松本潤鬧出兩宗緋聞,令佢同井上真央感情可謂遇上嚴峻考驗。松本潤與井上真央現況眾說紛紜,有傳二人已經分手,但日本傳媒《週刊實話》就指井上真央日前得知消息後以淚洗面,不過內文指松本潤已獲女友原諒,仲打算於今年春天出嫁,唔知可信性有幾高呢?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載