› 選擇地區
三藩市
紐約
洛杉磯
其他美國地區
香港 台灣 北美
 
2017年01月24日

蘭花助生意桃花旺人緣
羅霖年宵意頭十足

美魔女羅霖踏入雞年,工作已排到密麻麻,初六開工幫無綫拍劇,前日(22日)趁有時間就帶同11歲孻仔劉子晉(Jonathan)去行維園年宵市場。身穿紅噹噹上衣的羅霖相當應節,沿途更頻頻被途人集郵。

囝囝掃公仔

Jonathan已有6、7年未行過年宵,所以當日入到場甚興奮,連環掃了emoji和Pokémon的背背龍及小火龍公仔,羅霖更笑言囝囝是老闆,負責幫他找數,二人更買了學生設計的「青春無敵」布袋,支持本地創作。
至於羅霖當日買了蝴蝶蘭及桃花,更把握時機傾好意頭價錢,她說:「呢盆蘭花叫大展鴻圖,我做生意都好需要,桃花都有十幾年冇買,聽人講買開就要年年買,要揀棵多花,同有一半開咗、一半未開,因為嚟緊要拍劇,希望有桃花助人緣。」

問到新年習俗,羅霖透露:「傳統過年壓歲錢、着新衫、新鞋、紅色內衣褲都會跟足,新年有新景象,三個仔都係一樣,年三十晚會着紅色內褲,佢哋慣咗都唔會特別問,同埋年初一,一定要佢哋跪地斟茶,講恭喜說話先派利是。」

推相睇節目

講到事業,羅霖除了拍劇及打理酒生意,還要練歌登台,她說:「十幾年未試過練歌,仲會拍網劇同網絡電影,同傾緊一個《辣媽教室》嘅內地節目,之前仲有一個關於相睇嘅內地節目,不過入面都係20、30歲女仔參加,我就推咗。」
採訪:唐如
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載