› 選擇地區
三藩市
紐約
洛杉磯
其他美國地區
香港 台灣 北美
 
2017年01月25日

【《蘋果》專訪】
麥德羅佈風水陣 催旺姻緣娶妻

有「香港舞王」之稱的麥德羅宣佈明年迎娶容祖兒恩師、Big Echo老闆娘劉麗萍(Apple姐),為60大壽更添色彩,兩口子婚未結,但已於大圍豪宅同居。雞年將至,篤信風水的Apple姐請來多年好友玄學家吳佩孚,為家居佈局催旺運勢。吳師傅大爆二人能夠拉埋天窗,原來和桃花位有關。

太歲力量

吳師傅指着放有麥德羅和Apple姐合照的三角位說:「三角形代表火,呢個九紫離火位,代表喜慶,一年後傳出佢同麥德羅嘅婚訊。」豪宅內還有另一個旺位,吳師傅指祖兒和Apple姐的合照都放於此:「呢個係間屋另一個旺位,代表徒弟,仲有仔女,龜代表百子千孫,代表學生越來越多,酒代表今年太歲,今年丁酉年,酉加三點水代表酒,借助太歲力量,即係貴人力量。」

要𠱁子女

主人房是重點,整個房間以紫色為主,香艷有餘,原來亦是吳師傅的傑作:「佈置九紫離火局,催旺姻緣,美美滿滿,幸福快樂。」Apple姐透露今年會全力擴展Big Echo事業,但麥德羅的心思卻放在婚禮上:「計劃2018結婚,係我60大壽同入行40年,又係我生日,我想嗰日搞得開心啲。都要籌備定,要早啲book,驚到時冇位,我想要一個水底婚禮。」
Apple姐聽見要辦水底婚禮即驚訝地說:「我浸親、冷親就大新聞。」麥德羅補充說:「另一個係演唱會形式,迎娶Apple,叫麥德羅壽辰演唱會兼結婚好冇?好高興,朋友準備做人情,又可以睇演唱會。」
不過辦喜事之前,麥德羅有一樣更重要的事情要做,Apple姐大爆:「佢上次有啲小事激嬲我啲仔女,𠵱家都仲嬲嬲哋,希望佢盡快𠱁番佢哋。唔係家長批准,係要仔女批准。」麥德羅承諾會檢討,處理好子女關係。
採訪:楊潔雯
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載