› 選擇地區
三藩市
紐約
洛杉磯
其他美國地區
香港 台灣 北美
 
2017年01月25日

【馮仁昭四圍超】
網民鬧爆炒作 RM話摺又唔摺

韓國SBS人氣綜藝節目《Running Man》(RM)上月爆出連串是非,以改組之名踢走宋智孝同金鐘國,結果遭全城粉絲狂插而宣佈摺埋,成員將攜手演出至下月26日。當粉絲以為節目即將結束、準備搶購《RM》喺3月嘅香港見面會門票之際,SBS噚日突然宣佈節目將原班人馬繼續拍攝,對於SBS突然轉軚,網民就指《RM》係真炒作假摺埋。
噚日SBS方面發聲明:「因為《RM》節目嘅終映,聽到好多觀眾表示不捨,因此六名成員及節目組,跟SBS決定一齊繼續節目。因為改版所引起嘅不愉快事件,已經向成員致歉,成員要做出呢個決定並唔容易,再次對做出辛苦決定嘅成員表示感謝。」又強調係原班人馬,同唔會開第二季。

粉絲賜死亡帖

雖然有粉絲好開心《RM》可以繼續,不過大部份網民就留言指「電視台太兒戲」、「節目組冇人性」、「給呢波炒作滿分」、「感覺被耍了」等。更有粉絲嬲爆,化身韓劇《鬼怪》嘅地獄使者,賜SBS「死亡帖」,仲寫上「SBS被觀眾的刀片刺死」。
另外,有粉絲都趁機希望去年10月退出嘅前成員Gary可以回歸,不過Gary近日頻頻去內地,為當地發展試水溫,日前更為內地雜誌影新相,非常忙碌。
撰文:梁雯迪

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載