› 選擇地區
三藩市
紐約
洛杉磯
其他美國地區
香港 台灣 北美
 
2017年01月28日

群星集氣撐華仔

劉德華於本月17日在泰國拍廣告時不慎墮馬受傷,造成盆骨多處骨折,要停工九個月,令很多人非常心痛,《蘋果動新聞》集合全城力量為華仔打氣,華仔好友鄭秀文(Sammi)及杜琪峯等於新年向華仔送上祝福,期望他早日康復。

相關新聞:劉華接福賀雞年

另外,吳君如與老公陳可辛昨日到養和醫院探華仔,問到華仔現時狀況?君如答:「佢好靚仔呀。」更透露與華仔傾談了很久。

Sammi:華仔,你今次受嘅傷同埋你身體上面嗰種痛,雖然我哋唔能夠幫你去分擔,不過我好想你知道,我哋好多好多嘅人,其實都默默祝福同支持緊你。希望你能夠好好咁靜心休息,我哋會更加珍惜你,更加支持你同更加愛錫你。

杜琪峯:華仔,希望你早日康復,少少損傷冇乜所謂嘅,我知道你好硬淨嘅。

劉偉強:當然祝你身體健康,我哋全世界人支持你㗎,你安心休養啦,我哋見面食飯。

歐陽妙芝:華仔老大份人呢,就係我哋擔心佢同時,佢會憂心我哋有幾擔心,我哋愛佢,佢又會畀番好多愛我哋。We love you,快啲返屋企喇。

陳小春:恭喜發財、身體健康、早日康復 ,總之身體健康。

莊氏一家:「幫你加油,祝你早日康復身體健康。我哋80年代已經睇你嘅戲、聽你嘅歌㗎喇!祝你早日康復,等緊你呀!」

花店石小姐:「祝華仔早日康復,佢嚟我送支菊花畀佢(華仔鍾意菊花),佢啲fans成日搵我買花㗎!」

馮小姐:「佢幫助咁多人同做好事,希望佢能夠快啲康復,逢凶化吉。」

Rhys、Michael、David:「Andy Lau get well soon!(劉德華早日康復!)」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載