› 選擇地區
三藩市
紐約
洛杉磯
其他美國地區
香港 台灣 北美
 
2017年01月30日

阿驄君如做嘉賓 
鄭中基唔唱《烈女》收噓聲

鄭中基(Ronald)前晚大年初一於紅館舉行第二場「Play It Again世界巡迴演唱會」,除太太余思敏與一對子女繼續撐場外,周秀娜、林家棟和黃百鳴等亦有前往欣賞。有別第一場演出,前晚鄭中基先請來20位穿波點裙的小朋友打頭陣,扮徐小鳳伴他唱《喜氣洋洋》,之後其父親鄭東漢登場為兒子彈結他伴奏,並謂:「今晚有位對我同Ronald(鄭中基)都係重量級人物嚟睇我哋表演,佢喺鄭家非常重要,湊大我同Ronald兩代都係靠佢,唔知點報答,佢係台下奶媽謙姐,已經102歲,無言感激。」

林敏驄搞作品展

在點歌環節,有觀眾要求鄭中基唱舊愛楊千嬅《烈女》,但他卻謂:「我真係唔識喎!」現場即報以噓聲,後來歌迷點唱傳聞中鄭中基為追千嬅而作、成功打動千嬅芳心的《二月三日》(千嬅生日日期),雖然這首歌是他自己作品,但鄭中基只哼了幾個音,完全忘記歌詞,莫非怕台下太太呷醋而「扮失憶」?

前晚林敏驄和吳君如擔任嘉賓,林敏驄跟鄭中基合唱《最愛的你》後,阿驄笑謂:「我除咗佩服你把聲音之外,仲有父蔭,查過你族譜,老竇係鄭東漢,阿叔係咪鄭經翰,你祖宗最成功(鄭成功)。」之後鄭中基表示將舞台交給阿驄時,阿驄竟說:「落去要保重,下面啲唔係人,有機會寫信返嚟。」阿驄透露6月會在紅館開作品展,繼而唱出兩首譚詠麟歌曲。
鄭中基在介紹吳君如出場時說:「雞年點可以冇雞,佢唔止係雞,仲係金雞,有請大波金。」二人合唱《財神到》和《肥婆隻雞甩晒毛》,又走到台下𢭃利是,氣氛熱鬧。
採訪:卓寶花
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載