› 選擇地區
三藩市
紐約
洛杉磯
其他美國地區
香港 台灣 北美
 
2017年02月03日

香港首位華人女騎師上年離婚
江碧蕙下月嫁網球教練

40歲的香港首位華人女騎師江碧蕙於去年7月離婚後,火速撻着法國、西班牙及波蘭混血網球教練Jerome。兩人同經歷過婚姻失敗,拍拖至今大半年,處於熱戀期,上周更入紙申請「閃婚」,昨日江碧蕙受訪時表示婚期將於下月中,大讚未婚夫浪漫。

相關新聞:【策騎後患】傷患難以懷孕

香港首位華人女騎師、40歲的江碧蕙去年7月在facebook宣佈與法籍騎師丈夫李格力結束19年婚姻,原因是因了解而分開,二人的兩名兒子留在法國生活,江碧蕙就獨自回流香港重新開始,當中她簽了經理人公司,又重執馬鞭教騎馬,目前學生有陳蕊蕊和梁芷珊等。

同是失婚

江碧蕙事業上有新發展,感情生活亦火速有喜訊。去年11月她在港出席畫展活動時,帶同法國、西班牙、波蘭混血網球教練新男友Jerome Lacorte現身,大方公告戀情,當時還透露二人相處開心,戀情順其自然,但相信他們是火速發展就真,江碧蕙不但早已帶男友見家長,拍拖大半年已談婚論嫁,本報日前發現兩人已於上周二入紙申請註冊,根據填寫的資料,42歲的Jerome也是離婚人士,二人報住跑馬地同一住址,估計已同居。記者前日致電江碧蕙道賀,她表示希望低調處理,到昨日再受訪時就表示收到不少朋友祝福:「婚禮喺3月中舉行,唔會大搞,會同屋企人慶祝,都會有婚紗、裙褂等儀式。」
問到求婚儀式,江碧蕙笑言浪漫的Jerome未有特別營造驚喜:「乜都冇,佢淨係開口向我求婚,我覺得我哋timing好啱,大家情投意合,大家都鍾意做運動,相處得嚟,緣份係一剎那,唔會諗咁長遠,我信命,係天時地利人和,好amazing搵到一個咁夾嘅人,我第一段婚姻早結婚冇乜拍過拖,今次返嚟重新生活,要有一段時間面對,佢嘅出現,畀到我想要嘅嘢,畀到安全感同令我開心,已經足夠。」

相關新聞:【兩花下落】鍾麗芳最先贏頭馬

不打算生

提到兩名兒子會否返港出席婚禮,江碧蕙說:「小朋友已知道,佢哋冇所謂,我開心就得,嗰時候係返緊學,希望可以安排佢哋返嚟慶祝,佢哋之前見過相,未見過Jerome真人。」再問到與Jerome會否要小朋友,她坦言:「我哋都唔係20歲,都過咗一半人生,同埋已傾好唔會生小朋友,我年紀都咁大,個仔都16歲,就係唔使要小朋友先浪漫,佢係好浪漫,唔係都唔嫁佢,總之開心就得。」
感情路上江碧蕙非常果斷,於1997年以21歲之齡下嫁年長她11年的騎師李格力,之後隨丈夫長居法國,因患上腎組織病變不可以自然懷孕,不過為了組織完美家庭,22歲進行人工受孕,試足三年到第九次才成功生下大仔李國銘,再隔三年竟意外地以自然懷孕方式誕下細仔李國寶,兩名兒子現分別16歲及13歲。
採訪:卓寶花、唐如

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載