› 選擇地區
三藩市
紐約
洛杉磯
其他美國地區
香港 台灣 北美
 
2017年02月05日

做足11年警察
吳卓羲回歸TVB又演衝動細佬?

呢個圈……或者應該話,呢個世界,根本就冇永遠嘅敵人。

2015年,吳卓羲剛約滿無綫,父親離世。吳卓羲為照顧母親,暫時放下傾約事宜。但父親設靈當天,其舊公司無綫未有派攝製隊到場採訪,僅得樂易玲暨無綫藝員部送花牌致意。

離開效力了15年嘅無綫後,吳卓羲北上賺人仔,佢自己都話,喺大台即使做所謂一線小生,但上到去人地地頭,唔代表你都可以繼續係一線。佢仲笑言,即使拍一套大片,俾個好吃重角色你,你都未必可以擔得起,觀眾亦未必馬上就接受你。

離開無綫,對吳卓羲而言,最開心係終於夠瞓。當然仲有嘅就係,可以搵多啲。

但呢個世界係圓,當日唔續約無綫嘅奧運六星之一陳鍵鋒、當日鬧大台小器,依家離開TVB 7年了,都冇搵過佢返「娘家」,但同樣當日遭冷待嘅吳卓羲,就獲召回朝。去年10月邵氏大晒冷,除宣佈開拍新片之外,仲有宣佈開拍由馬德鐘、吳卓羲與黃宗澤等主演嘅飛虎主題網劇《飛虎極戰》。

昨日有周刊報道指,吳卓羲今次返去拍嘅,sorry,又係中港合拍。係無綫同大陸合拍。

吳卓羲稱,自從離巢後,無綫一路都有搵佢再合作,吳卓羲吳都係open嘅,話有好劇本就考慮啦咁。依家呢套,就如佢所願,同奧運六星其中一星、去年底以三千萬包薪三年簽邵氏嘅黃宗澤合作,吳卓羲又係飾演細佬。

喺周刊訪問中,吳卓羲話呢套網劇題材係警匪片(咁仲係咪飛虎?)全實景拍攝,劇情交代佢兩兄弟因為誤會而令大家發生咗好多事。今次係吳卓羲第N次喺大台又演紀律部隊角色。

唔通吳卓羲又要做番佢慣常被派演嘅為人衝動破壞大事如《學警》系列鍾立文、或者《叛逃》Alfred或者《衝上雲霄》嘅Issac嗰種戲路?

其實「重中之重」嘅重點係,呢套回歸大台新網劇,又係同大陸合作。即係遲啲喺myTV Super睇到嗰啲,有可能大陸優先播出。

係大台當香港觀眾nothing,定係佢哋相信香港人口味變咗?

你睇中港合拍嘅網劇《無間道》。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載