蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年02月07日
馬上成為壹會員

首度講《歌手》事件致抑鬱
軒仔:好多人問我食藥未

張敬軒強調被飛出節目,心情不算有太大影響。

張敬軒昨晚現身奧海城,出席有份配音的電影《LEGO蝙蝠俠英雄傳》首映,同場還有陳倩揚、姜皓文等人。軒仔早前為湖南衛視《歌手2017》錄影了一集,可惜最後被飛出節目,之後他一直沒開腔回應,直至昨日凌晨,他忽然在其新歌《下次愛你》的網上音樂平台留言,透露錄這首歌前一晚,他剛知道會「被消失」。

「唔煩就假嘅」

昨晚軒仔受訪時提到在Instagram的留言,他說:「其實因為公司同我講首歌要上架喇,咁錄歌嗰時又真係知道節目被抽起嗰日,所以希望用呢件令大家知道件事係咁,唔煩就假嘅,估唔到會牽連大波,令屋企人、歌迷同公司都擔心我,上一個節目平地一聲雷,好多過程唔知點講,但對我嚟講係一個小故事。」
軒仔指沒有刻意了解被飛原因,又謂節目組當日好有誠意邀請他,他被感動才參與節目。有指他在微博寫愛國論仍被飛起?軒仔說:「我只係重申自己係中國人,雖然𠵱家係香港人身份,咁香港人都係中國人啦。」是否節目組要求?他續謂:「唔係要求,係嗰時好多聲音,14年要講嘅都講晒。」不過,問軒仔文章是否出自他手筆,節目組可有參與意見?他苦笑謂:「細節我都唔記得,對於節目得失,唔會睇得太重,今次有林憶蓮,抱住追星去做。」

「困擾好多年」

至於傳他抑鬱症發作?軒仔認為有必要澄清:「關心我係好,但呢個名困擾咗好多年,傳媒冇查詢我本人同問公司,好多人問我食藥未,有冇睇醫生,覺得好怪,要澄清,令好多人擔心,呢件事冇影響情緒。」他還笑說屬猴的他已過本命年了,今年一切會好。
採訪:盧妹
攝影:葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載