蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年02月07日
馬上成為壹會員

湯洛雯羅天宇拍拖 呻山頂冇嘢行

【爆相爆片】羅天宇同落選港姐、湯鎮業姪女湯洛雯,13年拍劇集《愛.回家》時被指戲假情真,跟住本報披露佢哋行孖咇喺元朗食酸辣粉斷正,「洛宇戀」從此曝光,不過佢哋否認戀情。四年來,佢哋始終如一,依然係孖公仔行街。上月初,兩口子被踢爆拍拖行九龍灣MegaBox睇傢俬,唔夠一個月,日前又有讀者陳小姐透過本報「爆相爆片」,影到佢哋去山頂行街。

相關新聞:羅天宇專揀身材好女星 湯洛雯Coffee苟芸慧榜上有名

男友找數

湯洛雯剪短咗頭髮,仲着住一個月前被影到嘅一模一樣黑白針織冷衫同貼身褲,只係今次冇戴cap帽,換咗副太陽眼鏡掛喺頭上,讀者陳小姐話:「嗰晚差唔多9點幾,商場有唔少舖頭都閂咗門,我見到羅天宇同湯洛雯一齊行街,聽到湯洛雯話舖頭都閂晒冇乜嘢行。」最後佢哋去咗莎莎睇嘢,湯洛雯揀化妝品,由羅天宇負責畀錢。

讀者陳小姐話當時湯洛雯全程戴住口罩,同羅天宇冇乜親暱動作:「佢哋再去百佳買咗兩袋零食,之後就行咗入一間電子產品舖頭,當時我都喺舖頭裏面,湯洛雯用雙手輕輕打咗羅天宇心口幾下,又見到佢哋有搭住膊頭行,但好快就縮手。」最後羅天宇同湯洛雯去服務台搞免費泊車,再揸車走人。
湯洛雯前日接受傳媒訪問,問到佢再次俾人撞正拍拖,佢竟然話:「之前都回應過了,我哋係好好嘅朋友,不過多謝關心。」

相關新聞:撐枱腳醫肚開始 羅天宇湯洛雯緋聞傳足4年

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載