› 選擇地區
三藩市
紐約
洛杉磯
其他美國地區
香港 台灣 北美
 
2017年02月09日

大佬B經濟幫拖
李兆基中風休養:拍戲冇精神

影壇「四大惡人」除「吹水基」李兆基和「大佬B」吳志雄外,其餘兩位「大咪」何家駒及「大儍」成奎安已離逝。不過近年基哥健康狀況也不是太好,自從前年中風後,出入以枴杖支撐,經濟環境大不如前,需要靠江湖朋友經濟支援。

撐枴杖慢行

近年搬去九龍城居住的基哥,鮮有公開露面,昨日本報記者約下午3時許在九龍城好好運茶餐廳見到他,氣色不俗,只是撐着枴杖行路有些慢。問基哥近況如何?他表示:「𠵱家休養緊,朋友搵我拍戲都冇精神做啦!」問他經濟有否問題?他表示:「近年中風之後,冇晒能力冇入息,只係靠一班江湖老友時不時畀錢我使。」

「佢好怕見人」

問到基哥自報道出街後,昔日影壇朋友有否聯絡他?基哥說:「冇喎!幫你乜箒!𠵱家嘢又唔係好講到,行動又唔方便,就算人家搵我做嘢,我都冇能力做啦!」
跟基哥仍有聯絡的吳志雄,昨日問他有否經濟支援老友?他說:「我哋係好朋友,如果朋友有需要,我當然會盡量去幫手。不過佢好怕見人,好多朋友打畀佢,想約佢聚吓,佢都唔肯出嚟,而我同佢都偶然有見吓面,原本有部戲想搵佢出嚟客串吓,佢話精神唔係咁好,所以推咗我。」
在農曆新年前,有傳媒見基哥去光顧坤記牛腩,剛巧在門外就遇見已埋單準備離開的周潤發,兩人寒暄一輪後,發哥曾返回店內,似是幫基哥埋單。
採訪:鍾國仁

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載