› 選擇地區
三藩市
紐約
洛杉磯
其他美國地區
香港 台灣 北美
 
2017年02月11日

渣馬明日舉行 群星Ready
湯怡狂食飯 胡諾言晒肌攞彩

明日舉行一年一度「渣打香港馬拉松2017」,不知是否贊助商Nike的關係,過往鐵腳如劉心悠、周柏豪、陳山聰等今年都沒有參加。不過,仍然有不少圈中藝人參賽,如湯怡、胡諾言、徐濠縈、崔碧珈和甄茵等,已準備就緒。

兩星期準備

湯怡今年首度出戰半馬賽事,昨日她在維園練跑時接受訪問:「之前一路都係參加十公里賽,但今年跑半馬係想挑戰自己,想喺30歲前完成。」但是湯怡只得兩星期時間準備,她說:「3、4個月前我仲拍緊電影,上個月又同鍾舒漫擺緊攤位賣曲奇。」問到湯怡十公里賽與半馬賽事的賽程不同,怕不怕難應付?她說:「我又唔擔心,只係最想完成賽事,完成對自己嘅挑戰,所以對比賽好有信心。」
湯怡指男友洪卓立(Ken)和家人都支持,她說:「起初Ken同媽咪都擔心我體力支持唔到,覺得我只係應付到十公里,後來見我係咁練習,佢哋都放心咗好多,Ken仲不斷逼我食多啲飯。」

陳琪勁擔心

胡諾言今年挑戰42.195公里全馬,已練到一身肌肉的他接受傳媒訪問說:「𠵱家咁涼爽,對跑長途嚟講係好事,只要裝備充裕,應該係冇問題。」問胡仔參加全馬目標?他說:「第一次玩,我希望喺4個鐘頭內完成,時間唔重要,要比都係同自己比。我哋唔係運動員,我相信呢個係一個肯定。」
胡仔透露太太陳琪不知為何憂心忡忡,他說:「上次都冇咁緊張,呢排有啲報道話跑手身體不適,佢就多說話囉!咁都好嘅,即係佢緊張我,關心我。」而女子組合B.Gs的21歲師妹甄茵,昨日接受本報電話訪問:「我大概兩年前開始跟教練練跑,今次渣馬報咗半馬,希望可以超越自己。」
採訪:曹家誠、陳杰

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載