› 選擇地區
三藩市
紐約
洛杉磯
其他美國地區
香港 台灣 北美
 
2017年02月15日

Jessica風騷踩場
連夜返韓過節

親民的Jessica走近粉絲,引起騷動。

韓國女團少女時代前成員Jessica、周秀娜、周柏豪、蘇麗珊及鄭丹瑞囡囡鄭瑤等,昨晚在尖沙嘴出席REDValentino新店開幕禮,現場集結了約三百名Jessica的粉絲,場面墟冚。姍姍來遲的Jessica化身低胸pink lady,大騷事業線,力壓「縮胸」娜姐風頭。

愛食香港炒麵

Jessica穿上索爆低胸裝,粉絲看到她即歡呼,Jessica親民揮手,在名店高層陪伴下走近粉絲握手。昨日情人節,Jessica工作後便乘夜機返首爾,她講笑說:「可算是有約會?我會在這裏跟粉絲一齊慶祝,你們有甚麼禮物送我?我希望收到朱古力。」Jessica大讚香港炒麵好吃,今年大計是推出新專輯和拍電影,至於有傳跟男友K先生權寧一結婚,她未答即遭經理人阻止。
娜姐穿上低胸裙裝,但不及Jessica養眼,娜姐自爆尷尬事 :「之前喺台灣喪食,食肥咗,試衫時改啱身,返嚟變細咗,仲爆開咗。」D奶娜姐昨日明顯縮胸,低胸下未見「胸」湧澎湃,她說:「係囉,貼咗好多膠紙,以靚同安全為主。」

娜姐主動識人

娜姐昨日獨自過情人節,把所有約會推掉,她說:「我怕敏感,全部推晒,怕應承咗會誤會。」邀約的人數有否十人?她笑言:「多得滯,朋友食飯啫,追求就唔知,呢個日子,我怕赴會俾人誤會,一視同仁推晒。」
不覺獨自過情人節會dry?娜姐說:「唔會,今日個唇膏好滋潤。」 她表示媽咪有替她拜神求籤催旺姻緣,她說:「心急反而唔得,媽咪幫我求咗籤。今年會主動出擊,始終都會遇到,我會多啲識吓人,有朋友介紹就識咗先,以前唔係工作我會推晒,我係絕緣體,𠵱家放寬心態。」
採訪:羅慧敏
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載