› 選擇地區
三藩市
紐約
洛杉磯
其他美國地區
香港 台灣 北美
 
2017年02月15日

【馮仁昭四圍超】
發哥食盆菜 傾《寒戰3》

發哥(左一)、江志強(前排左二)、發嫂(前排左三)等到屏山食盆菜兼團拜。

周潤發、郭富城、梁家輝等主演,梁樂民同陸劍青導演嘅《寒戰2》因為名利雙收,安樂電影公司計劃年底開拍第三集。主角除咗第二集演員外,聽聞做保安局局長嘅劉德華會回歸,但𠵱家華仔傷咗,未知會唔會入到劇組,到時都要睇吓佢傷勢可唔可以演出到,咁我哋梗係希望華仔回歸喇!另外,張國柱背後嘅大boss會喺第三集出現,咁係邊個呢?據說演呢位幕後大boss嘅都係巨星,之前都拍過安樂公司電影。
前晚為咗激勵士氣,安樂老闆江志強搞咗個《寒戰2》團拜,拉隊去咗元朗屏山食盆菜,呢間盆菜店聽聞係發哥至愛,佢生日都係請朋友喺呢度食飯慶祝,所以發哥同發嫂、郭富城經理人小美、《寒》片兩位導演同一班幕後人員都有份,現場江老闆仲大派利是,祝大家大吉大利。

發嫂睇劇本

本報致電發嫂問發哥係咪會接拍《寒戰3》?佢話:「江老闆有講過下,但最終都要先睇劇本,如果劇本好,時間又啱,相信合作機會好大。」發嫂仲透露前晚大家難得敍舊好好傾。而城城同梁家輝就因為喺內地拍緊戲,所以去唔到呢餐飯局,鐵三角未能聚首一堂係有啲可惜。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載