› 選擇地區
三藩市
紐約
洛杉磯
其他美國地區
香港 台灣 北美
 
2017年02月15日

首認拍拖新歡被唱衰
許亦妮攬仔還神「百分百信任男友」

【爆相爆片】現年28歲的許亦妮於11年奪港姐季軍及最上鏡小姐,雖然曾獲力捧,但始終未能上位,而且是非及緋聞一大堆。繼去年拖仔在澳門夜蒲,上周六許亦妮被本報讀者「爆相爆片」指孖新歡現身車公廟,許亦妮昨向本報直認戀情,並大讚男友踏實,就算男友早年疑捲入桃色糾紛,她明言對男友百分百信任!

相關新聞:新歡朱曜楚座駕被毀

久未露面的許亦妮,上周六現身灣仔會展舉行的福音晚宴,自爆有追求者的她原來已經有男友。讀者鍾先生透過本報「爆相爆片」,指上周六下午12時多,見到許亦妮與一位年輕男子現身沙田車公廟拜神。

等男友去廁所

本報得悉許亦妮男友叫朱曜楚(Choris Chee),現年27歲,讀者形容當日朱曜楚霸氣十足,有吳岱融在劇集角色的影子,鍾先生說:「我喺廁所門口見到佢,原來佢等個男仔去廁所,男仔出嚟即刻好煙韌咁攬埋一齊,女嘅仲捉住男仔隻手,都幾sweet。可能我見到佢哋時已經拜完神,好快就走咗。」
拍拖斷正,許亦妮昨以短訊承認拍拖:「我哋係啱啱開始發展,希望大家畀啲空間我哋啦!」她大讚男友心地善良兼腳踏實地,並指二人最近同樣感受到主的恩典,希望成為基督教徒,表示男友亦願意跟她去教堂,今次是男友最後一次去還神。
然而,有人爆料指朱曜楚與女友許亦妮是非一樣多,早年疑捲入桃色糾紛,被人在網上瘋狂唱衰,對此許亦妮明言對男友百分百信任:「我一早見過個website,一睇就知係俾人整蠱,如果我真係覺得佢係就唔會選擇佢,做人最重要係腳踏實地,心地善良。」她又說:「因為影響到聲譽,佢(指男友)上年已經控告過網站誹謗,但係啲人實在太無聊,將個網站名調轉嚟寫重新開過。」許亦妮指本來不想再理這些無聊事,但又有人想作出中傷,男友決定會再出律師信控告網站誹謗。

相關新聞:【媾仔有術】男友非富則貴

「大家想有將來」

有指男友被人身攻擊,許亦妮說:「佢(男友)每年都有做身體檢查,因為大家都想有將來,所以喺埋一齊之前都想了解吓對方嘅身體狀況,所以我睇過佢身體一切正常健康。」她又慨嘆:「我哋兩個都只係普通人,想過正常生活,努力工作。所以希望大家唔好再咁壞心腸去做中傷誹謗嘅行為。我對個男仔百分百信任!」其後許亦妮再補充:「佢細個靠自己創業嘅時候,曾經生意失敗,同當時嘅投資者有生意糾紛,有利益衝突,件事冇和平解決,所以當時佢哋就惡意中傷佢。」
採訪:嵐山

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載