› 選擇地區
三藩市
紐約
洛杉磯
其他美國地區
香港 台灣 北美
 
2017年02月17日

【馮仁昭四圍超】
周杰倫承認逼達明撤海報

達明一派嘅3月紅館騷,因黃耀明曾撐雨傘運動,令演唱會P頭海報被下架,事關海報上出現嘅某位藝人,擔心被誤會撐明哥撐黃絲,會影響佢喺內地市場嘅金飯碗。海報上嫌疑藝人包括:曾志偉、周杰倫、周星馳、陳奕迅、黎明、劉德華、鄭秀文、梁朝偉,馮仁昭收到消息,有傳呢隻無形之手,就係台灣天王周杰倫。
對此,達明演唱會主辦商環球唱片CEO黃劍濤喺電話回覆:「我唔會答係邊個,因為應承咗人,就算問係咪A、B、C都唔會答,我唔想俾人亂估亂砌,出面講咗好多個,我都唔會答,唔會否認。」問到達明騷請唔請到嘉賓?佢話:「好似度緊,我覺得音樂就音樂,唔好扯埋政治講。」

杰威爾:保護藝人權益

雖然環球封嘴唔開名,但周董所屬嘅杰威爾音樂承認:「此海報屬於商業宣傳,使用周杰倫肖像和改圖均未事先知會或得到本公司同意,因此本公司基於保護及尊重藝人權益立場而向主辦方反應。」現年38歲嘅周董出道17年,唱片銷量逾3,000萬張,曾多次到內地舉行巡唱,又為內地節目《最強大腦》、《中國好聲音》、《大魔術師》擔任嘉賓。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載