› 選擇地區
三藩市
紐約
洛杉磯
其他美國地區
香港 台灣 北美
 
2017年02月25日

大台卧虎藏龍 何浩源演藝生涯7成做奸角

何浩源,一個名字陌生,但個樣唔陌生嘅藝人。若果你喺八九十年代,有追開電視劇嘅話,對做過唔少奸角嘅何浩源,應該有印象。

出生於澳門嘅何浩源,自細就鍾意做戲,當年佢讀緊中四,就跑去片場拍戲,第一個角色係飾演一隻老鬼。中學畢業後,何浩源就收到演藝學院嘅錄取信,同屆仲有詹瑞文、陳錦鴻,麥兆輝等人。

喺演藝學院就讀期間,何浩源係一出色嘅學生,未畢業已獲電影公司睇中,參演電影《著牛仔褲的鍾馗》。戲中已故成奎安飾演正義鍾馗,而何浩源就飾演奸角——刧匪。

喺演藝畢業後,何浩源順利成為無綫全職藝員,佢曾經因為推咗啲冇興趣嘅角色,俾公司指唔夠工作量,佢亦曾經喺兩年間瘋狂接show,成為爆show演員。何浩源曾經喺訪問中,坦言演藝人生當中,70%係演奸角,30%係做忠角。

大台零機會零發揮,何浩源最終選擇離開,喺97年樓市仍旺時,做咗一段時間地產經紀。其實喺無綫期間,何浩源冇停止過舞台演出同創作,今時今日,何浩源依舊積極參與由演藝學院畢業生組成嘅劇團「演戲家族」。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載