› 選擇地區
三藩市
紐約
洛杉磯
其他美國地區
香港 台灣 北美
 
2017年02月25日

網編Mean娜真人上節目 自爆與男友住工廈

工廈改建為劏房出租越趨普遍,雖然違法而且潛藏危險,但因為租金較低不少市民選擇租住。第4集《有樓萬事足》入面有個熟悉嘅面孔都係住工廈,佢就係網媒《MenClub》嘅「Mean娜」。

27歲嘅Mean娜(節目中名為Mina)真人上節目,自爆同男友Michael住喺160呎嘅工廈單位,月租連電費要4千蚊左右。Michael話想有一個二人世界,而Mean娜都覺得自己「幸福指數」有8分。

雖然咁樣係好Sweet,不過有苦自己。因為住工廈實屬違法,所以有好多制肘,例如有人敲門要扮冇人,因為怕地政總署人員上門檢控;工廈入面嘅公眾浴室人人都去得,所以對女仔嚟講有啲危險。

Mean娜亦有喺自己嘅fb page開post話:「淆X到手心都出汗!不如大家專心陪我傾吓偈」,

有網民見到佢同男友出場就話:「就今晚!好多毒男都會失眠!」不過網民對於佢自爆住工廈就話:「到時俾人掃場就大鑊,搞到其他都係租工廈咁樣用嘅人就唔好啦。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載