蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年03月04日

迪士尼首加入同性戀題材
《美女與野獸》惹家長炮轟 羅霖籲包容:會引導囝囝

72,884

由愛瑪屈臣(Emma Watson)主演、迪士尼出品的真人版《美女與野獸》(Beauty and The Beast)本月16日在港上映,電影被定為第一級。原本童話故事的劇情,迪士尼今次破天荒首度加插了男僕人愛上男主人的斷背情節,此舉惹來海外與香港家長團體不滿,認為有教壞細路之嫌,群起聯署反對,同時發起杯葛迪士尼及簽名運動,短短24小時已超過25,000人簽名支持。不過亦有本港藝人家長持開放態度,羅霖指會陪囝囝觀看並引導他,更呼籲家長要包容。

相關新聞:麥迪文《長城》勁蝕6億

迪士尼真人版電影《美女與野獸》於香港時間昨日在美國舉行首映禮,女主角愛瑪屈臣及「野獸」Dan Stevens亦有現身。導演比爾干頓(Bill Condon)早前接受訪問時透露,更改了原著童話劇情,加插了僕人Josh Gad想親吻主人盧克伊雲斯(Luke Evans)的意圖,發展一段斷背關係,成為迪士尼電影中獨一無二的同性戀情節,現實中盧克伊雲斯是一名出櫃多年的同志男星。

趙海珠:唔能夠扼殺

事後隨即引來爭議,有保守派家長要求迪士尼只製作合家歡電影,更有海外及香港家長團體不滿,發動聯署反對同性戀平權內容,海外有家長以「BoycottDisney」(抵制迪士尼)名義於Twitter留言發起簽名運動,短短24小時已經有25,000人簽名。而本港方面,fb亦有一個名為「性傾向條例家校關注組」群組專頁,發動聯署抗議迪士尼向兒童宣傳同性戀訊息,呼籲網民踴躍簽名支持。有電影圈中人分析迪士尼此舉是切合近年美國影圈的大愛精神,加上日前黑人同志電影《月亮喜歡藍》(Moonlight)奪得今屆奧斯卡最佳電影獎,證明同志電影有市場。
不過,在香港演藝圈亦有不同意見,身為三子之母的羅霖昨日接受本報電話訪問時,指近年迪士尼電影已少了過往夢幻、童真元素,她說:「細仔Jonathan有興趣睇,會陪佢睇引導佢,等佢知道社會上有同性戀存在,唔可以隱瞞同忽略呢件事。」她直言不希望兒子是同志,但假如是事實,作為家長只可以包容同接受。而育有一名4歲囝囝的前新聞之花趙海珠,昨日在灣仔出席奇妙電視台活動時,表示會帶兒子看該電影:「同性戀喺𠵱家社會係自然現象,唔能夠扼殺對性別喜好,會解釋畀個仔知,呢啲題材我唔會避。」

相關新聞:陶傑:荷李活為反特朗普

楊思琦:影響小朋友

另一位媽咪級藝人楊思琦持相反意見,她昨接受本報電話訪問時說:「我自己覺得作為家長,講一啲傳統嘅迪士尼故事,我就唔係咁贊成佢加入呢啲情節,擔心唔多唔少會影響小朋友嘅諗法,同埋心智可能未成熟,影響佢身心發展。」兩子之母陳倩揚則指:「我會陪佢哋睇,真係睇到都唔會逃避。」
採訪:王連連
攝影:沈健程、陳慧安

【網民表態】「冇權利反對」

《美女與野獸》是首套加入同性戀情節的迪士尼電影,消息一出即引起港、美兩地家長團體不滿,反而本港網民則力撐電影。

【反對】

性傾向條例家校關注組:迪士尼的計劃是日後拍更多這類電影,兒童被潛移默化,若沒有成人適當的指導,日後嘗試同性戀行為的機會便較高。

【支持】

Qu Leo :你唔接受同性戀係你嘅自由,但係你冇權利反對。性取向都係人哋嘅自由。
Shirley Wang:又一班怪獸家長……冇腦!
Pal Dou:睇來睇去《美女與野獸》都係人獸題材。
Iris Yiu:啱啱睇咗《孤星淚》,我會唔會變孤兒?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載