› 選擇地區
三藩市
紐約
洛杉磯
其他美國地區
香港 台灣 北美
 
2017年03月10日

復出坐住唱呂珊演唱會
張偉文成功換鈦金屬骨架

張偉文去年底接受腰椎手術,休息近3個月,前晚首度公開亮相,為呂珊在尖沙嘴舉行的「珊珊來臨世畀巡迴演唱會」擔任表演嘉賓,清減不少但精神不俗的他,手術前雖已用輪椅代步,現可以靠枴杖緩慢而行,不過也不能長時間站立。張偉文坦言手術前有想過會死,他說:「上次唱完演唱會之後,真係以為自己會死,病得好嚴重,點知做完手術之後,就行得唱得。」
手術後首度工作,張偉文指仍在康復階段,病情不影響唱歌,但卻有後遺症:「好多嘢都唔記得,人物唔記得,但唱就OK,雖然記歌詞差咗啲,但唱法冇問題。」他坦言除了腰患外,亦受糖尿病影響,他說:「隻腳行路唔夠力,如果行唔遠可以用枴杖,但遠嘅話就要坐輪椅,𠵱家靠藥物、飲食、運動三方面去治療。」

傾美加登台

提到手術過程,張偉文說:「切咗有事嘅骨頭,換咗鈦金屬骨架,醫生同我講𠵱家好得七七八八,好感恩。出嚟唱歌好開心,但要坐住唱,傾緊去美加登台,對方唔介意我坐低唱,仲提供商務客位,不過我都驚坐長途機辛苦,預計5、6月起程。」
此外,呂珊笑言是懇求張偉文復出做嘉賓:「手術前探佢時大家jam歌,想同佢一齊唱,佢雖然身體不適,但唱歌冇影響,之後幾場佢肯做就最好。」她透露演唱會在不同地方舉行共五場,而前晚個唱主要唱劇集主題曲。她又表示最近連拍兩劇,沒時間休息和綵排。
採訪:曹家誠
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載