› 選擇地區
三藩市
紐約
洛杉磯
其他美國地區
香港 台灣 北美
 
2017年03月10日

彰顯香港人那份情
黃寶欣請阿伯食撻

前歌手黃寶欣早前宣佈結束婚姻,回復單身的她再闖商界,與友人合資在九龍城開餅店,雖然開店只短短時間,但已吸引大批捧場客,不少圈中名人亦輪流幫襯,發哥周潤發及發嫂、任達華都是常客。

獲讚善心老闆娘

店內主打的蛋撻賣10元一個,對一些基層市民來說,吃一個蛋撻可能已是奢侈事,甚至是一頓飯的價錢。日前有讀者向本報爆料表示要表揚老闆娘黃寶欣一件好人好事,大讚她做生意不只是樣樣講錢。讀者文先生透露:「有日下晝3點幾特登走落去幫襯,個個等出爐排長龍,排喺我前面係個阿伯,攞住成堆『神沙』(散銀)排隊。」
文先生憶述當日情境說:「本來我想同阿伯講,好多舖頭唔肯收毫子,不如我同佢換啦,但未講就已經到阿伯買喇。黃寶欣見到阿伯攞住成堆散紙,數完之後就去包咗個蛋撻畀阿伯,仲同阿伯講:『哎吔,呢個撻做得好似唔夠靚呀,伯伯我唔收你錢喇!』」文先生指當時聽到都好感動,覺得香港人那份情仍然存在,大讚黃寶欣做得好。

「鍾意同客溝通」

本報昨日聯絡黃寶欣,問及送撻事件,她笑說:「係早前嘅事喇!我記得嗰日個伯伯仲係震吓震吓咁行,我見到佢排隊咪問有乜幫到佢囉!知道佢想買蛋撻,咁我就送咗一個畀佢食!」提到有讀者大讚她,黃寶欣感謝說:「其實都好小事,但我真係好鍾意同啲客人溝通吓!」
採訪:小米

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載