› 選擇地區
三藩市
紐約
洛杉磯
其他美國地區
香港 台灣 北美
 
2017年03月10日

顧修全曾「神算」星爺未來
網民驚訝講中晒

心理學博士顧修全喺1992年上過鄭裕玲主持嘅清談節目《鄭裕玲星夜傾情》,其一集講周星馳嘅心理趨勢。佢當時話晒星爺喺90年代事業處於高峰時期。又指覺得星爺係「好似漫不經心、有少少無厘頭,其實星仔嘅無厘頭係有得睇,佢個人基本上有好多嘢好無奈,唔係幾開心」,顧修全又指星仔無奈係因為份人上進心好強。顧修全又話睇星仔張相:「好似咬牙切齒咁樣,如果我哋睇清楚星仔呢個人,佢個上進心好強、佢競爭性好強,佢係一個唔願意屈居人下嘅人,佢同吳孟達上契,好似係佢(星仔)做契爺。」

顧修全又喺節目中講出星仔未來嘅走勢:「我會話呢個人因為佢嘅性格,佢係好上進,唔願意被人踩低,喺電影圈入面,做演員有時好似一盤棋做棋子,佢鍾意做棋王,佢唔會做棋子,所以我話佢第日會做老闆,佢會退居幕後。」鄭裕玲問係唔係即係拎錢出嚟拍戲、搵啲人做吓棋子,顧修全即點頭示意:「佢係一個喜歡操縱人,唔喜歡被人操縱。」

咁睇番星爺現時,又真係退居幕後,主力做拍攝同後期製作,拍《美人魚》、《西遊·降魔篇》等。呢條片現時可以喺網上重溫,網民留言「今日睇番轉頭講中晒」、「現在成事實了」。?

相關新聞:力銷「中國偉哥」顧修全誇口十年要賺十億

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載