› 選擇地區
三藩市
紐約
洛杉磯
其他美國地區
香港 台灣 北美
 
2017年03月10日

怕前妻同囝囝難堪?
羅嘉良愁爆搵馬神

《創世紀》「葉榮添」闊別大台多年,早前返去拍《與諜同謀》,未知係唔係觀眾覺得羅嘉良係好戲之人,對佢演出要求高,觀眾睇完開頭嗰三集,批評好壞兩極。

有周刊指日前羅嘉良約咗馬德鐘同郭政鴻食飯,清酒杯杯清,似乎有啲愁,有傳佢內地妻蘇岩以囡囡學業為理由,想搬嚟香港住,但羅嘉良一直唔想老婆同前妻方敏儀喺同一個地方,現在有啲為難。報道指上年9月,羅嘉良前妻方敏儀喺網上寫「怨恨是一杯毒酒」、「用別人的錯誤來懲罰自己,是一件非常愚蠢的事情」、「快樂過自己的人生,就能贏多少人心」。差唔多時間,羅嘉良老婆蘇岩喺微博留言「我從不抱怨、時時感恩,不跟別人計較」、「輸贏我想無須評判,也不必評判」,幾日後,方敏儀又疑似回敬一句「激怒你的人不能再激怒你」,蘇岩又寫「我有個好男人,愛我心切的女兒」。蘇岩同方敏儀先後喺網上「隔空開火」,句句似乎有回應,難怪羅嘉良咁煩惱。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載