› 選擇地區
三藩市
紐約
洛杉磯
其他美國地區
香港 台灣 北美
 
2017年03月16日

【add】紅人主場:
蔡卓妍 小富婆格言

【紐約專訪】34歲的蔡卓妍 (阿Sa) 手持最少五個物業,以過億身家被封圈中小富婆。早前阿Sa去紐約睇騷兼受訪,分享致富之道在於節儉,還在於奉行媽媽的格言,「阿媽教落女仔一定要有自己嘅空間、財富、興趣,無論有拖拍,定冇拖拍都好,都需要獨立。」單身不寂寞,笑住享受工作與生活,凡事不計較,心中富有最重要,「每個月有幾多糧都唔知,每做一壇嘢究竟有幾多錢都唔知㗎,覺得咁樣做嘢開心啲。」

撰文:林嘉慈
攝影:周樂恒
化妝:Natalie Soo of NDNCO
髮型:Sing Tam of O4

蔡卓妍上月去紐約出席時裝周期間受訪,捱冷穿單薄的春夏新裝影街拍,為求拍攝效果,爽快答應由Midtown跑到布魯克林大橋 (Brooklyn Bridge) 追日落。正如這次紐約行,她亦是以靚為先,不在乎酬勞,「因為我真係鍾意衫,鍾意時裝,所以我冇諗其他嘢,想嚟就嚟,想做就做。」她續說:「如果成日都記住每一壇嘢有幾多錢,咁真係太辛苦喇,有時有啲嘢真係興趣嚟㗎嘛!」

Sa媽幫手理財

連同前年斥資逾3,300萬購入的大潭紅山半島單位,阿Sa持有至少五個單位,估計每月租金收益逾20萬,加上父母名義持有的物業,阿Sa輕易躋身億元小富婆之列。原以為精打細算是她的致富之道,誰不知她根本不知身家有多少個零,「我完全管理唔到財富,好彩有阿媽,真係覺得我人生最大嘅幸運係有呢個媽咪,佢實在太犀利!」人工直接存入Sa媽戶口,阿Sa每月等媽咪出糧,自己則在消費方面做好本份,「節儉係致富嘅首要條件。我唔係好鍾意買嘢,𠵱家好多嘢都係免費,唔使買。」

張智霖做媒人

慳,無非為投資,阿Sa早就入市買磚頭。面對現時的癲價樓市,阿Sa慨嘆入市艱難,「早幾年有錢,會同媽咪睇吓樓,買吓樓咁囉。」
Sa媽厲害之處不限於財富管理,還影響囡囡的愛情觀及人生觀,經歷過和鄭中基離婚、和陳偉霆甩拖的阿Sa樂於單身現狀,「好彩嘅就係由細個開始,阿媽教落女仔一定要有自己嘅空間、財富、興趣,無論有拖拍,定冇拖拍都好,都需要獨立,所以我OK㗎,有冇拖拍都OK。」
身邊人反而為阿Sa擔心,相識十多年的電影拍檔張智霖也為她做媒人,「佢十幾年前已經開始話要介紹個對象畀我識,到十幾年後拍戲,佢又係話介紹個對象畀我識,仍然係嗰條友!我喺呢十幾年嚟已經識咗嗰個人喇,但你明唔明呀?十幾年前佢話介紹嗰個人我識,到十幾年後我都係唔得嘅時候,就諗到嗰個人幾咁正啦。」靜待上天安排,她反而出言叫朋友不用替她擔心。

林德信似細佬

阿Sa在早前煞科的驚慄片《常在你左右》中,與張智霖對手戲最多,新一代型男林德信飾演她的另一半,「林德信個爸爸,同我爸爸好似,我有時叫林子祥做爸爸,所以同林德信合作就好似同細佬合作咁。」拍過多套恐怖片,她覺得拍攝時笑多於驚,「要扮到好驚,但隔籬有燈光組拎住塊反光板,有少少搞笑。」

欣賞紐約人隨性

阿Sa去過紐約三、四次,熱愛時裝的她最留意當地人隨性的穿衣風格,「我見過夏天好熱嘅時候,有人着毛毛褸出嚟,戴晒冷帽咁,冬天又見過就咁着個bra top出嚟,總之呢度開心啲。」自己着衫的隨性則在於舒適,主張慎選舒適度高的靚衫,「T恤、牛仔褲係日常首選。」
睇騷培養時尚觸覺,阿Sa昨日在廣州出席內地巡唱記招時表示有意設計演唱會主題tee及紀念品,「之前得香港有,今次自己包嚟做,可能會賺大錢。」又謂不如搞side track演唱會滿足歌迷。

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載