› 選擇地區
三藩市
紐約
洛杉磯
其他美國地區
香港 台灣 北美
 
2017年03月16日

【馮仁昭四圍超】何守信接班人反離無綫
徐福銓搞Cova成富翁

無綫節目《香港早晨》第一代主持徐福銓(David),原來係意大利咖啡店Cova前老闆,去年將Cova賣盤畀美心集團,傳價錢高達一億元,年屆62歲嘅David現已退休,日前喺赤柱5,500呎頂層複式豪宅接受專訪,身為Cova前老闆嘅佢原來都係食神,平日有下廚煮豉油王龍蝦、炆斑頭腩,難怪廚房約300呎,大過窮人住嘅劏房。
十幾歲去英國讀書嘅David,返港後加入怡和洋行嘅洋酒部,佢話:「當時《香港早晨》搵我講紅、白酒,訪問後監製馮吉隆問我有冇興趣玩吓,以兼職身份開始主持人生涯。」當年David被喻為何守信接班人,佢謙稱:「唔敢當,我邊度有資格同何B師傅比。」曾訪問中村雅俊、張國榮(哥哥)嘅David,其後因無綫派佢主持其他音樂節目,自己正職始終做行政,所以喺86年離開無綫。

發生楊恭如被摑

36歲那年,David覺得工字不出頭,加上喺歐洲開會經常去米蘭名店街Cova,覺得幾好坐,甜品又好靚,所以將Cova引入香港,當年銅鑼灣店發生毛玉萍掌摑楊恭如事件,問到David當日喺唔喺現場?佢笑笑話:「佢哋周不時都嚟,我都見過佢哋,當年發生呢件事,我就唔喺度,啲人話之後Cova就旺場旺咗幾個月,我希望旺場唔係因為咁,如果係都唔係好事。當時好多藝人鍾意嚟Cova,例如哥哥、羅文、沈殿霞都好捧場,好不幸佢哋都過咗身。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載