› 選擇地區
三藩市
紐約
洛杉磯
其他美國地區
香港 台灣 北美
 
2017年03月22日

撐完枱腳Heidi落閘
王宗堯又被飛

【爆相爆片】男神王宗堯舊年俾𡃁模女友黎紀君狠撇之後,今年年頭又俾蔡潔飛。不過佢冇因為咁而被打沉,日前佢就被發現同個女仔撐枱腳。讀者梁先生透過本報「爆相爆片」報料,話日前喺荃灣一間cafe見到王宗堯同個女仔撐枱腳,佢話:「王宗堯比較避忌,反而個女仔好主動,不停將個頭挨近男仔。過馬路個女仔有捉住王宗堯嘅手臂,跟住王宗堯反手搭住個女仔條腰,之後個女仔好嬌嗲咁問王宗堯:『我哋係咪返屋企?』王宗堯就話:『係呀,我車你返去。』」

相關新聞:王宗堯蔡潔唔夠半年玩完《夜蒲》肉博舊愛DaDa

「順便畀手信」

馮仁昭噚日問王宗堯係咪有新戀情,佢笑住話:「梗係唔係喇!嗰日只不過係做完嘢,咁啱大家都得閒,所以咪一齊食嘢,順便拎啲手信畀佢。食完嘢,我有揸車咪順便車佢返屋企。」原來嗰個女仔係Super Girls成員李靜儀(Heidi)。Heidi噚日同隊友喺商台宣傳新歌,佢回應話:「我哋識咗好耐,要追一早追咗啦!食完飯,我咪問係咪返屋企囉,其實王宗堯都係送我返屋企。」Heidi話雖然王宗堯係單身,但都唔會有機會發展,仲祝福佢快啲搵到新女友。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載