› 選擇地區
三藩市
紐約
洛杉磯
其他美國地區
香港 台灣 北美
 
2017年03月22日

王宗堯蔡潔唔夠半年玩完
《夜蒲》肉博舊愛DaDa

一講王宗堯,相信好多人第一個反應係:「男神呀!」身為男神,38歲嘅王宗堯嘅感情生活一向都大家關心嘅話題,而且佢嘅對象都一個其通點,就係身才非常好。

DaDa陳靜
「百果園E神」呢個名係咪好耐冇聽過呢?不過DaDa呢個朵同身材真係一時佳話,佢同王宗堯08年喺朋友介紹底下認識,兩人拍拖一年幾之後就分手。之後喺11年拍《喜愛夜蒲》時,DaDa同王宗堯仲要拍肉博親熱戲,DaDa仲話冇尷尬好有默契o添。

陳詩雅
陳詩雅身為Angelababy師妹,喺15年就被影到同王宗堯喺街頭打得火熱,王宗堯仲好肉緊咁一手攬陳詩雅入懷,然後就啜啜,淨係睇字都有畫面呀唔係講笑。估唔到肉緊過後,王宗堯接受訪問時好老尷咁話:「認識很久的朋友…了解中!」

Christy黎紀君
15年10月,王宗堯就承認「已封盤」同Christy穩定發展中,Christy本身讀書時期已經係ig女神,經常大方晒身材。不過到16年5月,王宗堯出席活動時殘爆認分手,仲話唔想變成敵人。

蔡潔
王宗堯同蔡潔喺16年7月被爆一齊,仲一齊去到數碼港玩航拍機o添。當時王宗堯仲要起唔到機,睇番都幾搞笑,不過此情此景o依家睇唔到喇。因為兩人拍拖唔夠半年就分手,王宗堯話自己係「被分手」,聯絡唔到對方,仲喺fb留言:「其實消失係咩玩法呢?」

睇返咁多段關係,王宗堯都係傳被人飛,估唔到男神都有弱點;不過唔緊要啦,聽日一定會好天嘅。

相關新聞:撐完枱腳Heidi落閘王宗堯又被飛

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載