› 選擇地區
三藩市
紐約
洛杉磯
其他美國地區
香港 台灣 北美
 
2017年03月24日

桃李滿門擺60圍
鍾景輝80壽宴 吳孟達強吻

戲劇大師鍾景輝(King Sir)昨日80大壽,他是香港演藝學院戲劇學院的創院院長,桃李滿門,一班學生昨晚為他在將軍澳一酒店筵開約60席賀壽,現場放滿King Sir人形紙牌。
昨晚6時多,吳孟達、黃淑儀、方力申、劉兆銘、黎耀祥、朱茵、謝君豪、陳寶珠、李添勝、萬梓良、梁舜燕、盧宛茵、魯文傑跟毛舜筠等先後到場。King Sir去年患上大腸癌,現已康復的他昨日精神奕奕出場,嘉賓把握機會跟他合照,吳孟達更作狀錫King Sir一啖,之後賓客們一起唱生日歌給King Sir及切蛋糕,蛋糕上放有四隻紙牌King。

相關新聞:萬梓良拖妻賀老師

簽名龍袍加身

King Sir稍後受訪時說:「生日願望都係身體健康,知班學生會有表演,但唔太清楚內容。不過入場見到好多紙牌公仔都覺好特別。身體狀況好好,出左咗院四 、五個月,都有覆診同行跑步機,等啲肌肉唔好鬆弛。」他又透露近期剛完成一個坐着讀劇本的工作,10月左右會替理工大學話劇表演擔任導演,他說:「唔太辛苦都可以,太多通宵就唔得,TVB未有搵我呀,都等緊。」
場內放有一個六層高生日蛋糕,宴會開始時,3月生日的賓客薛家燕及謝君豪等獲邀上台,跟King Sir一起切蛋糕慶生,而劉兆銘則代表各人送了一件附有所有賓客簽名的龍袍給King Sir。

學生扮King Sir

王祖藍透露今次是自薦做司儀,他說:「會有遊戲同扮King Sir環節,亦都會回顧同分享老師點滴,搵咗黃秋生、杜琪峯同教書文化界人士上台,其實所有演藝學院出身嘅同學都會扮King Sir,因為當年唔扮畢唔到業。」被問到是否已成功放售當年裝修爛尾的物業,祖藍說:「係呀,放咗啦,慳150萬印花稅。好在之前搵親戚幫我搞,賣咗之後攞番裝修費賺咗少少,希望下手業主住得開心啦。」
採訪:卓寶花、張俊銘
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載