› 選擇地區
三藩市
紐約
洛杉磯
其他美國地區
香港 台灣 北美
 
2017年03月25日

密密做壓力爆煲
樂仔試戰衣爭影帝 恨見女友

樂仔昨晚一臉倦容出席新戲首映禮。

電影《一念無明》昨晚假圓方舉行首映,出席演員包括余文樂、金燕玲及方皓玟等。最近爆忙的樂仔臉帶倦容,他說:「啱啱趕返香港,最近忙緊《春嬌救志明》同呢部電影宣傳,4月又要開新戲。」問樂仔是否暫時未有機會放假?他苦笑謂:「有得瞓都好好,喺飛機瞓唔到,啱啱去台灣做宣傳,一日做咗二十幾個訪問,做到聲沙,最後幾個訪問差唔多開唔到聲。」

「提名已有交代」

樂仔自言最近精神壓力都大,連女友王棠云都有兩周沒見面,惟有通電話解相思之苦。提到他憑《一念無明》首度提名香港電影金像獎影帝,問是否已準備好戰衣?他說:「試咗衫,都冇乜緊張,未試過,可能去到先會緊張。」問他打算在鏡頭前擺出甚麼表情迎接結果及有否準備講辭?樂仔笑謂:「未去到咁有自信攞呢個獎,提名對劇組已有交代。」

籲關心特首選舉

昨晚到場看電影的男神王宗堯,早前被本報讀者影到與Super Girls成員李靜儀(Heidi)食飯,其間Heidi眼神似乎極冧他,王宗堯說:「正常社交,拍拖係雙方,同對方識咗三年,冇諗拍拖。」問他可有發展機會?王宗堯說正常人都可以拍拖,只要不一腳踏兩船,但最重要是感覺,他又謂:「𠵱家好多嘢要更加關心,好似金像獎同周日嘅特首選舉。」
採訪:張俊銘
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載