› 選擇地區
三藩市
紐約
洛杉磯
其他美國地區
香港 台灣 北美
 
2017年03月26日

「希望得到大家的祝福」
城城圓母心願 年底娶Moka

四大天王只剩郭富城未曾成家立室!51歲的城城日前被傳與28歲女友方媛(Moka)於下月結婚。本報記者昨日向城城求證,他沒有否認結婚傳聞:「結婚係人生另一頁,乜嘢時候(結婚)容許我暫時唔講住……其實我都51歲啦!希望得到大家嘅祝福!」據悉出名孝順的城城,為圓母親心願,計劃下半年與Moka拉埋天窗!

相關新聞:【舊愛幸福】熊黛林心急生仔

現年51歲的郭富城前年被爆戀上海女模方媛,以往拍拖極為低調的城城,今次一反常態,自前年12月高調認愛後,經常又向身邊朋友暗示有意成家立室,不再做「冇腳雀仔」。有指他於50歲前是無婚論者,從來冇打算結婚和生兒育女,但踏入50歲後,想法完全改變,去年傳出女友Moka有身孕,更指兩人好事近,但城城都出面否認傳言,惟前日爆出兩人下月結婚,即哄動全城。
其實城城最近接受訪問時,表明自己年紀不輕,是時候計劃以後的人生。前日有內地網民留言,指城城下個月要結婚:「剛才聽銀行工作人員說,她一個朋友要換港幣,說下個月父母要去香港參加表妹婚禮,表妹跟郭富城結婚,表妹是方媛。」

8月後放假

現時正身在無錫拍攝電影《西遊記之女兒國》的城城,估計下月中才能煞科,之後到5月初又開拍另一部警匪片,所以未來兩三個月,不可能有時間舉行婚禮,但8月後他開始放假,到時會否舉行婚禮就不得而知。不過據知情者透露:「城城一向孝順,佢覺得媽咪年紀唔細,而自己都51歲,都係時候結婚,等媽咪了咗件心事,自己又可以有一個新家庭,生個小朋友,有個幸福美滿嘅下半生。」到底城城是否下月結婚?本報記者昨向城城本人求證,他表示:「我一直都有講過要規劃一下自己嘅人生大事,不過𠵱家都仲喺內地為電影趕工,冇乜嘢可以發表,亦希望喺呢件事上保留一啲私隱,至於乜嘢時候(結婚)請容許我唔講住。謝謝大家關心!」

相關新聞:苟姑娘等嫁陸漢洋

或秘密註冊

再問城城如果結了婚會否公告天下?他說:「當然!其實我都51歲啦!希望得到大家嘅祝福!」問會否舉行盛大婚宴時,他就沒回應,但其身邊好友認為以城城的性格,應該不會大肆鋪張,可能秘密註冊結婚後才會告訴大家。
對於城城結婚的傳聞,前晚城城經理人小美回應說:「呢個規劃會在今年內發生嘅機會亦係有嘅,而且亦都係時候。」而Moka昨日凌晨在微博貼相,她留言相約好姊妹見面,未知是否為結婚而做準備呢?
採訪:鍾國仁

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載