蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年03月29日
馬上成為壹會員

余文樂被爆赴泰浸皇帝浴
貼父母照證乖仔?

情場浪子余文樂早排才公開認愛,證實同台灣皮帶大王千金王棠云拍拖3個月,不過,日前有網民喺微博爆相,話喺曼谷遇到男神余文樂,同行仲有一男兩女,從相片中所見,短髮女着牛仔熱褲,長髮女就紥咗髻仔,兩女齊騷4條白滑玉腿,仲有另一位網民爆料,話阿樂坐租車去嘆皇帝浴㖭。

有大陸報道更加繪聲繪影指阿樂拖女夜蒲紅燈區,由於王棠云擁有一把長髮,短髮女肯定唔係佢;長髮女就只睇到背脊,究竟係咪王棠云就冇人知。

之前阿樂公開承認戀情時,被問到係咪認定女友為結婚對象?當時樂仔話:「冇認定,係被迫嘅,因為都俾人影咗囉。」難怪有網民質疑阿樂女友冇份同遊曼谷,抵死留言:「女友王棠云前段時間才公開戀情,這是要散的節奏嗎?」

有人八卦問究竟喺邊度見到阿樂?影到呢張相嘅網民回覆:「曼谷。日本街的一家酒樓,叫頌通酒家,他幾乎一個月就要去一次或者兩次,服務員給我說的。」謎底終於解開,阿樂同友人食完飯離開,預備搭車時被網民影咗相,並唔係蒲紅燈區囉;冇人知王棠云有冇同行,而另一位網民爆阿樂去嘆皇帝浴,都係唔知真定假。

而阿樂前晚就喺Instagram貼咗張相,係佢攬住媽咪爹哋影嘅,留言話「family time」,似乎係話畀網友知,同行仲有父母嘅……

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載