› 選擇地區
三藩市
紐約
洛杉磯
其他美國地區
香港 台灣 北美
 
2017年03月30日

磨鋸齒刀切嘢
霆鋒「廚藝」被取笑

謝霆鋒近年進軍飲食界,拍大陸飲食節目《十二道鋒味》,廚藝呢家嘢真係見仁見智,前日《劣鳩飯堂》facebook專頁,就貼出討論區link講霆鋒同名廚Gordon Ramsay煮威靈頓牛排(Beef Wellington),網民覺得睇完呢兩條舊片,就睇得出霆鋒廚藝贏咗Gordon Ramsay!

睇番條片見霆鋒煮Beef Wellington,過程中用微波爐叮溶朱古力;喺厚皮上係咁撒麵粉,再將雪凍咗嘅牛排捲入去,呢啲技巧都被網民質疑咁樣捲埋好易鬆開,當中網民覺得最離奇係霆鋒「如何用刀切酥皮冇咩碎」,呢個犀利嘞!

見霆鋒先磨一把有鋸齒刀,跟住啲網民睇到嘩嘩聲,呢個畫面隨時震動13億人口,霆鋒落刀切焗好嘅牛排,切之前仲講到好緊張,不過有網民即問「會唔會太假,切落去冧到咁,仲易切過豆腐」、「唔洗推拉把刀都可以切開咁粗嘅牛柳」。唔知霆鋒嗰把係「激光劍」定「屠龍刀」!?

有眼利嘅網民發現焗好嘅成品,一早有條刀痕,難怪一切就切到!不過成件事最吊詭係個醬……咁霆鋒將紅酒、朱古力同香料混咗個醬汁,最後只係輕輕一滴上去,有網民就反問:「最尾係滴『神來之汁』真係忍唔住笑。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載