› 選擇地區
三藩市
紐約
洛杉磯
其他美國地區
香港 台灣 北美
 
2017年03月31日

唔會復合
阿嬌話同小方冇拍拖

阿嬌(左)前晚與好姊妹阿Sa現身,阿嬌否認當年與小方的戀情。

鍾欣潼(阿嬌)與方力申這對過氣情侶,前晚同場現身在金鐘舉行的「微博之星2016頒獎禮」,出席嘉賓還有阿嬌拍檔蔡卓妍(阿Sa)、佘詩曼、鄭欣宜、陳敏之、薛凱琪及馬天佑等。05年阿嬌被踢爆與小方把臂同遊瑞士,兩人更要前後腳出閘掩人耳目,前晚問阿嬌可有安慰失戀的小方?阿嬌反問:「乜嘢事呀佢?呢件事(甩拖)都好耐啦,佢應該冇事㗎喇。」其後問她與小方可有復合機會?阿嬌即緊張回應:「乜呀?我都冇同佢一齊過。」

阿佘摑黃子華

隨後到小方接受訪問,問到阿嬌否認兩人當年曾經拍拖,小方即眼仔睩睩,再眨幾下眼說:「係呀!呢個係好耐之前嘅緋聞,呢個係19幾年前嘅緋聞,唔使再提。」是戀聞不是緋聞?小方再笑謂:「你有你哋講,我有我答。」追問兩人會否再拍拖,小方卻自打嘴巴說:「唔好!唔好喇!」
此外,佘詩曼獲頒「最具影響力藝人」及憑《使徒行者》獲女主角獎,阿佘透露近日忙與黃子華拍新片《棟篤特工》,她說:「有一幕佢要濕身倒吊,我要打佢一巴,點知拍完,導演話穿崩再嚟過,子華要求用真力打,寧願一take過。」

馬天佑推新歌

另外,馬天佑則獲「跨界藝人獎」,他說:「嚟緊會擺多啲時間喺唱歌方面,今年計劃會出幾首歌,全部都有連貫性,係一個story。」同場的陳敏之抱住3個月大囝囝「雷冬至」現身,她笑囝囝獲獎故要穿「踢死兔」。問到敏之會否讓囝囝拍廣告時,她直言可以,但拍劇集就不會,因為太長時間。
採訪:王連連
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載